رساله لمسيحيين مصر وابيهم البطريرك

1 1 1 1 1 1 1 1 1 1 التصويت 0.00 (0 أصوات)

التفاصيل: المجموعة: تاريخية; نشر بتاريخ: السبت، 03 آب/أغسطس 2019 09:26; كتب بواسطة: katep; الزيارات: 540

رساله لمسيحيين مصر

وابيهم البطريرك

انا اسف

والاعتذار ده حق

(حابب في الاول اقدملكم اعتذاري واتأسفلكم وفي نفس الوقت اشكركم علي دروس كتير علمتموني اياها

وبصراحه بقا حابب اذكر بعضها

1/بتأسفلكم ان في مننا اللي طلع وكفركم

وبشكركم انكم علمتونا درس عظيم جدا وهو صلوا لاجل المسيئين اليكم

2/بتأسفلكم ان في مننا اللي طلع وفهم دينه غلط وكان بيمنعكم انكم تبنوا كنيسه عشان تصلوا او يحرقها

بشكركم علي كلمه ابيكم البطرك اللي علمتني ازاي يكون الراعي مسؤل عن رعيته لو حرقوا كل الكنائس هنصلي في الجوامع ولو حرقوا الجوامع هنصلي احنا واخواتنا في الشارع

3/بتأسفلكم ان طلع مننا اللي عين نفسه قاضي وحكم عليكم ان ده كافر وده مؤمن وده يدخل الجنه وده لا

بشكركم ان ردكم مكنش كلام كان تنفيذ لمقوله كل حسب اعماله واستمراركم لنشر معني المحبه

4/بتأسفلكم ان في ناس بتطلع وتقولكم كتابكم محرف رغم ان الكلمه دي لن يقبلها بشر لعقيدته

"مش حابب اعدد قد ايه لابد من الاعتذار لكن فعلا تستحقون الاعتذار والشكر

5/ اسف علي اللي قال عليكم اقليه وانتوا صحاب ارض

6/اسف اني اتعلمت وانا صغير ان القسيس ده اوعي تيجي جنبه ده بيخوف وبياكل العيال الصغيره

وبشكركم ان اول واحد لقيته جبني في وفاه والدي هو القسيس

مش هنسالكم مواقفكوا معايا ومعانا كلنا

مش هنسي يوم ماوالدي اتوفي كان في عزاه شعب كنيسه وكاهن الكنيسه كان يهمس في اذني بكلمات لن انساها مادمت حيا (متخافش ربنا مش هيسيبك انا اعتبرني مكان والدك )

مش هنسي ليكم برضوا ان في وقت كان ممكن قداسه البابا يشكوا ويتحدث ويستنجد الا انه اثبت فعلا انه مصري اصيل

وقال للرئيس الفرنسي وهو بيقوله ايه المشاكل اللي تواجهكم في مصر يرد ويقوله معندناش مشاكل مع اخواتنا المسلمين في مصر لو تقدروا تساعدونا ساعدونا في التعليم

في الوقت ده فعلا اثبتلي ازاي يكون الاب حكيم كدا

انا اسف اني قلت لقداستك ساعتها جننتني ياسيدنا بس فعلا ابهرتني بمصريتك ووطنيتك وبسفرياتك اللي بتكون فيها دايما سفير لمصر

بشكركم دايما علي صلاتكم من اجل بلدكم ومن اجلنا احنا المسلمين

صدقوني احنا بنحبكم جدا واي حد غير كدا ده مش فاهم دينه مش فاهم ان الرسول قالنا استوصوا بقبط مصر خير

مفهمش ان انتوا اقرب ناس لينا بشهاده الله في القرءان مفهمش ان القسيس والراهب دول ناس متواضعه مش متكبرين

مش هنسي ان لما تعبت كانت اقرب مستشفي متخصص الكل بيشكر فيها نظرا لتفاني اطبائها في عملهم مستشفي في داخل كنيسه وفاتحه بابها للمسلمين قبل المسيحين

اعتذارنا مش بيقلل مننا ده بيديكم حقكم

بيوتنا مفتوحه ليكم في صلاتكم

صدقوني بنحبكم جدا

محمود ابو اليزيد

الردود (0)

عرض السؤال →

ليس هنالك ردود على هذا المقال بعد.

ردك

Cite your Sources with a URL link to help readers verify facts or find more details.

Add Another Link

يمكن إدخال استبيان ليظهر في موضوعك.

Vote Options

إضافة عنصر للاستطلاع

تسجيل الدخول إلى حسابك